சீமான் எச்சரிக்கை: ‘ஒற்றை பனைமரம்’ தமிழ் மண்ணில் திரையிடக்கூடாது

‘ஒற்றை பனைமரம்’ என்ற திரைப்படம் ஈழத்தாயக விடுதலைப்போராட்டத்தை இழிவுபடுத்தும் வகையில் உருவாக்கப்பட்டிருப்பது மிகுந்த கண்டனத்துக்குரியது. தாய்மண்ணின் விடுதலைக்குப் போராடி தங்கள் இன்னுயிரை ஈந்த மாவீரர்களின் தியாகத்தை கொச்சைப்படுத்தும் எந்தப் படைப்பையும் எமது திரையரங்குகளில் ஒளிபரப்ப அனுமதிக்கக்கூடாது.

ஈழத்தில் நடைபெற்றது வெறும் வன்முறையாடல் அல்ல, உலகத் தமிழர்களின் உணர்வோடும் உயிரோடும் கலந்த விடுதலைப்போராட்டமாகும். வன்முறையின் மீது தீராக்காதல் கொண்டு ஆயுதப்போராட்டத்தில் ஈடுபடவில்லை; இனவெறி இலங்கை அரசின் கொடுமைகளுக்கு எதிராக தந்தை செல்வா தலைமையில் தொடங்கிய அகிம்சை போராட்டம்தான் முதன்முதலில் ஈழத்தில் நிகழ்ந்தது.

30 ஆண்டுகள் இனவாத இலங்கை அரசின் அடக்குமுறைகளால் தோல்வியடைந்த பிறகு, வேறுவழியின்றி தமிழினத் தலைவர் மேதகு வே. பிரபாகரன் அவர்களின் தலைமையில் ஆயுதப்போராட்டம் தொடங்கியது. இது தமிழர்களின் அடிப்படை உரிமைகளை மறுத்த இனவெறி இலங்கை அரசுக்கு எதிராக திணிக்கப்பட்ட ஒன்று.

இந்நிலையில், ஈழவிடுதலைப் போராட்டத்தின் மாவீரர்களை இழிவுபடுத்தும் எந்த திரைப்படத்தையும் திரையிட அனுமதிக்கக் கூடாது என்று நாம் தமிழர் கட்சி எச்சரிக்கிறது. திரையரங்க உரிமையாளர்கள் இதனை கவனத்தில் கொண்டு, ‘ஒற்றை பனைமரம்’ படத்தை திரையிடாதேனும், இல்லையெனில் போராட்டத்தில் ஈடுபட வேண்டிய நிலைக்கு தள்ளப்படுவோம்.

தமிழ்நாடு அரசு உடனடியாக இத்திரைப்படத்தை தமிழ்நாட்டில் திரையிடுவதற்கு தடையிட வேண்டும் என்பதற்காக இந்த அறிக்கையை வெளியிடுகிறேன் என
நாம் தமிழர் கட்சி தலைமை ஒருங்கிணைப்பாளர் சீமான் தெரிவித்துள்ளார்.

#SeemanWarning
#BanOttaiPanaiMaram
#EelamLiberationStruggle
#RespectTamilMartyrs
#NoDefamationOfEelam
#WeStandWithEelam
#ProtectTamilHistory